ازاى نفرق اذا كنا بنحب حد بجد ولا ده مجرد اعجاب

السلام عليكم ورحمه الله و بركاته
حبيت اوى اعمل الموضوع ده عشان كتير اوى مننا بيسال نفسه هو بيحب بجد ولا ده مجرد اعجاب
حاجات كتير اوى متشابهه بين اننا نكون بنحب ولا معجبين زى الاحاسيس والمشاعر والنظرات و غيرها اللى ممكن تخلينا نفكر اننا بنحب
عايزين اللى له تجربه فى حياته وانه مر بقصه حب بس اكتشف فى الاخر انها اعجاب يقول لنا رايه وازاى نفرق بين الحب الحقيقى و الاعجاب ؟
والسلام ختام

أقدر اقولك ان اللى ممكن يحس بدا بس الشخص نفسه يعنى ممكن يعرف اذا بيحب ولا معجب يعنى الحب مثلا ماتقدرش تستغنى عن اللى بتحبه مهماكان حتى لو يوم واحد انما الاعجاب حاولى تبعدى عنه فتره بعد الفتره دى هتحسى انه خرج من حياتك
انما الحب هتحسى انك مش موجوده فى الدنيا هتحسى كمان ان فى حاجات كيتر نقصاكى فى غيابه كل حاجه
بس برده دا يرجع للشخص
ميرسى ليكى ساسو على موضوعك وان شاء الله نشوف الحل مع الاعضاء

المفروض ان اللى بيحب حد بجد لازم يضحى بأى حاجه ممكنه علشان خاطر يخلى حبيبه من اسعد الناس ولو اتردد ف التضحيه دى يبقى وقتها لازم يعرف ان ده اعجاب ومايسمهوش حب وخصوصا لو كان يقدر يضحى...

لو مثلا فى موقف زعل لو هى بدات تصالح من غير تردد وهو كمان من غير مايبص لموضوع الكرامه يبقى حب لان هما 2 بيكونو واحد ومفيش حاجه اسمها كرامه مابين 2 بيحبو بعض اما لو اترددت او هو اتردد يبقى مجدرد تعود او اعجاب

انا رايى من راى الادمن
علشان الشخص يتاكد من الاحساس اللى هو حاسه
لازم يبعد عن الشخص التانى ده فترة
وبعد كده هيتاكد لو كان ده حب ولا مجرد اعجاب